Ekið á barn við Hólabrekkuskóla

Ekið var á barn fyrir framan Hólabrekkuskóla við Suðurhóla í Breiðholti í morgun. Að sögn lögreglunnar á höfuðborgarsvæðinu er barnið ekki alvarlega slasað. Tilkynning barst lögreglu um kl. átta.

Ekki reyndist þörf á að kalla eftir sjúkrabíl. Foreldrarnir fóru hins vegar sjálfir með barnið á slysadeild til skoðunar.

Að sögn lögreglu ók ökumaðurinn á brott. Óvíst er hvort hann, sem ekki er vitað hver er, hafi vitað að bifreiðin hafi farið utan í barnið.

Málið er í rannsókn.

• 3 blogg um fréttina

Bloggað um fréttina

• Solveig Pálmadóttir: Ég keypti gult öryggisvesti á minn 8 ára.
• Guðrún Emilía Guðnadóttir: Á þessum tíma dags, verum vakandi.
• Kristján Haukur Magnússon: Hvet fólk til að vera með endurskinsmerki