Mótmæla breytingum harðlega

Breytingar á starfsemi geðdeildar Fjórðungssjúkrahússins á Akureyri eru í hróplegu ósamræmi við þá tíma sem framundan eru og sýna fádæma lítilsvirðingu og skilningsleysi, segir í ályktun frá foreldrafélagi Verkmenntaskólans á Akureyri. Félagið mótmælir harðlega breytingunum.

„Á tímum óvissu og upplausnar í íslensku þjóðfélagi eru breytingar á heilbrigðiskerfi afar viðkvæmar. Það hlýtur að segja sig sjálft að þegar reynir á samstöðu þjóðar að leysa úr stórum vanda sé sérstaklega gætt að hópum eins og ungmennum og öldruðum. Það má vera ljóst að framundan er aukið atvinnuleysi og öryggi margra ógnað vegna þess. Ungmenni fara ekki varhluta af því, ýmist missa vinnu sjálf eða upplifa atvinnumissi foreldra, nema að hvorutveggja verði,“ segir í ályktuninni.

• 4 blogg um fréttina

Bloggað um fréttina

• Valgerður Halldórsdóttir: Eina meðferðardeildin utan höfuðborgarsvæðisins
• Helga R. Einarsdóttir: Kannski kemur Gulli þangað líka?
• Rakel Sigurgeirsdóttir: Gott framtak en betur má ef það á að duga
• Jón Ármann Steinsson: Spara aurinn, kasta mannauðnum