Flugmaður í mál við Gæsluna

Flugmaður, sem sótti um starf þyrluflugmanns hjá Landhelgisgæslunni á síðasta ári en fékk ekki starfið, hyggst höfða skaðabótamál á hendur Gæslunni. Vísbendingar eru um að óeðlilega hafi verið staðið að ráðningu þyrluflugmanna fyrir um ári. Þetta kom fram í Kastljósinu í kvöld.

Fram kom að stúlka, sem fékk starfið, hafi fengið vilyrði fyrir stöðunni nokkrum árum áður en hún fór í flugmannsnám.

Þá kom fram að  sérstök valnefnd, sem átti að meta umsækjendur, hafi einnig verið vanhæf sökum tengsla við þá umsækjendur sem fengu stöður.

Umrædd stúlka er fósturdóttir yfirflugstjóra Gæslunnar. Í Kastljósinu var vitnað í bloggfærslur stúlkunnar frá árinu 2005 þar sem hún greinir frá því að það væri búið að ganga frá því að hún fengi vinnu hjá Gæslunni árið 2008 og að ákveðið hafi verið að hún færi í tveggja ára þyrlunám til Flórída. Þetta er tveimur árum áður en staðan var auglýst.

Frétt Kastljóssins

• 7 blogg um fréttina

Bloggað um fréttina

• Ingólfur: Það læra börnin sem fyrir þeim er haft
• Gísli Foster Hjartarson: Ótrúlegt ef satt er
• Hólmdís Hjartardóttir: Er Ísland spilltasta land í heimi?
• Davíð Pálsson: Blaðamenn - skoðið þyrluleiguna
• Nýi Jón Jónsson ehf: Hérna er umrædd bloggsíða sem vitnað var í hjá Kastljósi …
• Heimir Lárusson Fjeldsted: Þarf Landhelgisgæslan að fara að lögum?
• Hallgrímur Guðmundsson: Skítverkin eru víða