Mótmælin halda áfram

Samtökin Raddir fólksins standa fyrir 15. mótmælafundinum á Austurvelli á morgun kl. 15. Að sögn skipuleggjenda verður haldið áfram að mótmæla siðleysi banka, auðmanna og stjórnvalda.

 Yfirskrift fundarins er sem fyrr: „Breiðfylking gegn ástandinu“. Kröfurnar eru þær sömu, eða „Burt með ríkisstjórnina, burt með stjórnir Seðlabankans og Fjármálaeftirlitsins og kosningar svo fljótt sem unnt er,“ segir í tilkynningu.

Þá segir að samtökin Raddir fólksins leggi áherslu á friðsamleg fjöldamótmæli um land allt. Máttur fjöldans muni færa þjóðinni langþráðar stjórnarbætur og nýtt Ísland.
 
Ræðumenn dagsins eru þau Svanfríður Anna Lárusdóttir, sem er atvinnulaus, og Gylfi Magnússon dósent.
 
Fundarstjóri er sem fyrr Hörður Torfason.

• 7 blogg um fréttina

Bloggað um fréttina

• Hörður B Hjartarson: Mætir lögreglan með grímur ?
• Rakel Sigurgeirsdóttir: Mótmælafundir víða um land!
• Nýjar raddir á Austurvelli: Nýjar raddir á Austurvelli
• Einar Karl: Fer og hlusta á Gylfa
• Ástþór Magnússon Wium: Hörður svaraði ekki! Vill úr alræði ráðherravalds í alræði kommúnista
• Baldvin Jónsson: Mótmælafundur? Nei - á morgun ætla ég að mæta á …
• Vilhjálmur Árnason: Höldum áfram að segja satt.