Verð á greiðslumarki lækkar mikið

Viðskipti með greiðslumark eru nú rétt um helmingur þess sem venja hefur verið til undanfarin ár.  Meðalverð síðustu 500.000 lítra sem skipt hafa um eigendur er 238 kr. á líter. Það er lækkun um 50 kr. á líter frá því að upplýsingar voru birtar síðast. Þetta kemur fram á vef Landssambands kúabænda.

Þann 1. janúar sl. hafði um 1 milljón lítra skipt um eigendur frá upphafi verðlagsárs. Undanfarin ár hafa um 2 milljónir lítra skipt um eigendur á þessum tíma, og ekki þarf að fara langt aftur í tímann til að sjá samanlögð viðskipti upp á 3 milljónir lítra um áramót.

Þegar 173 þúsund lítra viðskipti lækka meðalverð 500.000 lítra um 50 kr/ltr má ljóst vera að verð nýjustu samninganna er miklu lægra en 238 kr. Miðað við þessa verðlækkun og núverandi verðbólgustig er ekki fjarri lagi að raunverð á greiðslumarki hafi lækkað um helming á tiltölulega stuttum tíma.

 

• 1 blogg um fréttina

Bloggað um fréttina

• Guðrún María Óskarsdóttir.: Kvótakerfi landbúnaðar siglir í strand.