Flokknum bjargað, segir Siv
Eftir Þóru Kristínu Ásgeirsdóttur Mbl sjónvarpi.
Setja bókamerki
Siv Friðleifsdóttir formaður þingflokks Framsóknarflokksins er alsæl með nýjan formann Framsóknarflokksins og segir hann fullan af baráttuþreki og bjartsýni og hafa heillað þingheim á flokksþinginu upp úr skónum. Hún segir að sér líði ekki eins og flokknum hafi verið rænt, frekar eins og honum hafi verið bjargað. Flokksmenn í Framsóknarflokknum hafi viljað breytingar og það endurspeglist í þessu kjöri.
Siv er hluti af gömlu flokksforystunni en hefur hinsvegar staðið utan við hið svokallaða flokkseigendafélag sem var talið standa á bak við formannsframboð Páls Magnússonar sem fékk ekki nema átján prósent atkvæða. Aðspurð um hvort flokkseigendafélagið hafi fengið falleinkunn segir hún að líklega séu ákveðin skilaboð fólgin í þessari niðurstöðu
Formaðurinn er utan þings, ungur og hefur verið stuttan tíma í Framsóknarflokknum. Siv segir þessar nýju aðstæður sjálfsagt eiga eftir reyna mikið á hana sem þingflokksformann og þingflokkinn allan. Hún hyggur þó ekki á neinar breytingar sjálf og segist hlakka til að starfa með nýrri forystu.
Átti ekki að láta pirring bitna á sjúklingi
Erlendir miðlar greina frá tíunda gosinu
Leyfa akstur um Vonarskarð eftir 14 ára deilur
Á algjöru frumstigi eftir þrjár vikur af verkfalli
Búseta skortir byggingarlóðir
Beint: Eldgos hafið við Stóra-Skógfell