Spá 1,9% samdrætti á evrusvæði

Framkvæmdastjórn Evrópusambandsins spáir því nú, að hagkerfi ríkjanna á evrusvæðinu svonefnda muni dragast saman um 1,9% á yfirstandandi ári. Áður hafði framkvæmdastjórnin spáð 0,1% hagvexti á svæðinu en Seðlabanki Evrópu hefur spáð 0,5% samdrætti.

Þetta er í fyrsta skipti, sem verg landsframleiðsla í aðildarríkjum Efnahags- og myntbandalags Evrópu dregs saman að meðaltali frá því evran var tekin upp fyrir nærri áratug. 

Framkvæmdastjórn ESB áætlar að landsframleiðsla hafi dregist saman um 1,5% á síðasta fjórðungi ársins 2008 og um 0,2% á fjórðungunum tveimur þar á undan. Áætlað er að samdrátturinn haldi áfram á fyrri hluta þessa árs.

Gert er ráð fyrir vaxandi atvinnuleysi og að fjárlagahalli ríkjanna fari að jafnaði umfram þau 3% mörk, sem sett eru. 

• 1 blogg um fréttina

Bloggað um fréttina

• S i g u r ð u r S i g u r ð a r s o n: Lág verðbólga, mikið atvinnuleysi