Gaf upp nafn tvíburabróður síns

Héraðsdómur Norðurlands eystra hefur dæmt karlmann á þrítugsaldri í tveggja mánaða skilorðsbundið fangelsi fyrir umferðarlagabrot og rangar sakargiftir. Maðurinn var jafnframt sviptur ökuleyfi í þrjá mánuði auk þess sem hann þarf að greiða 75 þúsund kr. í sekt.

Maðurinn var stöðvaður á bifreiðastæði við Hofsbót á Akureyri að morgni dags í ágúst 2007. Hann hafði ekið bifreið undir áhrifum áfengis og án þess að hafa öðlast ökuréttindi. Maðurinn framvísaði hins vegar ökuskírteini eineggja tvíburabróður síns á staðnum.

Maðurinn játaði brot sitt skýlaust og var litið til þess við ákvörðun refsingar, en einnig þess að hann hefur ekki brotið af sér áður.

• 1 blogg um fréttina

Bloggað um fréttina

• Björn Finnbogason: Ekki sviptur lögmannsréttindum?