431 ók of hratt um Sæbraut

Brot 431 ökumanns var myndað á Sæbraut á þriðjudag eða á tæplega 10 klukkustundum. Fylgst var með ökutækjum sem var ekið í suðurátt, þ.e. yfir gatnamót Sæbrautar og Langholtsvegar. Á umræddu tímabili fóru fimm þúsund ökutæki þessa akstursleið og því ók nokkur hluti ökumanna, eða 9%, of hratt eða yfir afskiptahraða.

Meðalhraði hinna brotlegu var 76 km/klst en þarna er 60 km hámarkshraði. Sjötíu og átta óku á 80 km hraða eða meira. Af þeim var einn á yfir 100 km hraða en sá mældist á 143, samkvæmt upplýsingum frá lögreglu.
 

• 2 blogg um fréttina

Bloggað um fréttina

• Birgir Þór Bragason: Að þeir voru ekki fleiri á sér skýringu
• Haukur Gunnarsson: Að forða sér