Obama fyrirskipar lokun Guantánamo

Samkvæmt tölum, sem landlæknisembættið hefur tekið saman um fjölda fóstureyðinga og ófrjósemisaðgerða, kemur fram að árið 2007 voru skráðar 877 fóstureyðingar hjá konum með lögheimili á Íslandi. Árið 2006 voru fóstureyðingar 904.

Embættið segir, að framkvæmdar fóstureyðingar á hverjar 1000 konur sýni, að fóstureyðingum hafi farið heldur fækkandi undanfarinn áratug, en fækkun sjáist einnig sé litið til fjölda fóstureyðinga  miðað við hverjar 1000 fæðingar.

Árið 2007 voru framkvæmdar 486 ófrjósemisaðgerðir hérlendis, 190 hjá konum og 296 hjá körlum. Þetta eru töluvert færri aðgerðir en framkvæmdar hafa verið mörg undanfarin ár en einkum hefur orðið fækkun meðal kvenna sem gangast undir þessar aðgerðir.

Árið 2007 voru framkvæmdar 2,9 ófrjósemisaðgerðir á hverjar 1000 konur á aldrinum 25–54 ára en 4,2 ófrjósemisaðgerðir á hverja 1000 karla í sama aldurshópi.

Samantekt landlæknis um fóstureyðingar

• 2 blogg um fréttina

Bloggað um fréttina

• Helena Leifsdóttir: Ótrúleg samvinna Landlæknis og Obama...
• Sædís Ósk Harðardóttir: Fyrirskipanir Obama ná langt