Mátti flengja drengi kærustu sinnar

Hæstiréttur hefur staðfest sýknudóm Héraðsdóms Norðurlands eystra yfir manni sem gefið var að sök að hafa tvisvar til þrisvar rassskellt tvo drengi, sex og fjögurra ára, syni kærustu sinnar. Í dómi Hæstaréttar segir að flengingin standist barnaverndarlög.

Móðir drengjanna kynntist manninum á spjallrás á netinu. Hófu þau að hittast og sýndi maðurinn mikinn áhuga á að hitta syni hennar, en þeir dvöldu hjá henni þrjár helgar í mánuði. Hann hafi viljað fá að vita um hvert einasta skipti sem þeir gerðu eitthvað af sér og varð konan við þessu. Hafi hann þá farið með annan drenginn í einu inn í herbergi og rassskellt hann og að því loknu hafi hann borið olíu á rassinn á honum. Í eitt skipti var móðir drengjanna viðstödd.

Maðurinn var líka ákærður fyrir líkamsárás með því að hafa ítrekað slegið móðurina á beran rassinn með beltisól. Hann var sýknaður þar sem
sýnt þótti að athæfið hefði verið hluti kynlífsathafna þeirra, og með samþykki konunnar, og „ákærði kveðst hafa sérstakan huga á flengingum og bindileikjum (BDSM) í kynlífi,“ eins og segir í héraðsdómi.

Dómur Hæstaréttar

• 9 blogg um fréttina

Bloggað um fréttina

• Margrét St Hafsteinsdóttir: Það má flengja litla drengi
• Sigurbjörg: Hvað er að gerast með hæstarétt?
• Jenný Anna Baldursdóttir: Veiðileyfi gefið út á íslensk börn
• Pálmi Freyr Óskarsson: Voru dómarirnir á ................
• Hermann Óskarsson: Breyta verður barnaverndarlögum!
• Stefán Friðrik Stefánsson: Telja dómstólar flengingar farsæla uppeldisaðferð?
• Sigurður F. Sigurðarson: Tvískinnungur
• Halldór Þórðarson/dóritaxi: Mátti flengja drengi kærustu sinnar
• Guðni Gíslason: Eru áhugi á flengingum haldbær rök