Máttlítill málflutningur forsætisráðherra

Birk­ir Jón Jóns­son, vara­formaður Fram­sókn­ar­flokks­ins, sagði það áhyggju­efni hve mál­flutn­ing­ur for­sæt­is­ráðherra þegar hann flutti Alþingi skýrslu um efna­hags­mál, hefði verið mátt­lít­ill. Sagði hann breyt­inga þörf og rík­is­stjórn­in bæri feigðina í aug­un­um.

Sagði Birk­ir Jón að  hann til­heyrði skuldug­ustu kyn­slóð Íslands­sög­unn­ar, sem hefði tekið náms­lán, íbúðalán og bíla­lán jafn­vel í er­lendri mynt sam­kvæmt ráðlegg­ing­um banka, sem hefðu jafn­vel tekið stöður gegn krón­unni.

„Þegar 20 þúsund ein­stak­ling­ar ganga at­vinnu­laus­ir um göt­ur bæj­anna snert­ir það hverju ein­ustu fjöl­skyldu lands­ins. Við þessu verður að bregðast," sagði Birk­ir Jón.

Hann sagði tæki­fær­in blasa við hvert sem litið er. En til að nýta tæki­fær­in þyrftu Íslend­ing­ar að búa að öfl­ugri for­ustu, leiðtog­um sem töluðu kjark í fólkið. Af þeirri ástæðu vildi Fram­sókn­ar­flokk­ur­inn að rík­is­stjórn­in færi frá. 

Þing­menn ræða nú um skýrslu for­sæt­is­ráðherra um efna­hags­mál. mbl.is/Ó​mar

• 2 blogg um frétt­ina

Bloggað um frétt­ina

• Krist­björg Þóris­dótt­ir: Þegar litli frændi er far­inn að hafa áhyggj­ur þá hef …
• Jón Ingi Cæs­ars­son: Framtíð lands­ins er í húfi.