Fleiri karlar styðja mótmælin en konur

Um tveir þriðju hlutar fólks eru hlynntir mótmælunum undanfarið, samkvæmt nýrri könnun Fréttablaðsins sem blaðið greinir frá í dag. Langflestir segjast ekki vera hlynntir árásum á lögreglu, ofbeldi eða skrílslátum. Samkvæmt niðurstöðum könnunarinnar eru 45,7% hlynnt mótmælunum og 20,6% mjög hlynnt en 10,2% hlutlaus.  Þá eru 13,5% andvíg mótmælunum og 10% mjög andvíg.

Ívið fleiri konur eru andvígar mótmælunum en karlar. Stuðningur við mótmælin er ólíkur eftir stjórnmálaskoðunum fólks. Þannig styðja 87% fylgismanna Vinstri grænna mótmælin og 76% fylgismanna Samfylkingarinnar en einungis 32% stuðningsmanna Sjálfstæðisflokks eru hlynnt mótmælunum.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Frá Gleðibankanum: Með bros á vör og ljós í glugga
• Hlédís: TÁRAGAS-TRIKKIÐ mistókst! Og: Hver ákvað að koma af stað óeirðum …