Mótmælt á tveimur stöðum

Nokk­ur hundruð manns eru nú á Lækj­ar­torgi í Reykja­vík þar sem stend­ur yfir úti­fund­ur gegn of­beldi og eigna­spjöll­um. Einnig standa yfir mót­mæli gegn rík­is­stjórn­inni á Aust­ur­velli fram­an við Alþing­is­húsið.

Til­gang­ur mót­mæl­anna á Lækj­ar­torgi er að hvetja sam­borg­ar­ana til að beita ekki of­beldi í mót­mæl­um sín­um og að það fest­ist ekki í sessi hér á landi. Marg­ir fund­ar­gesta eru með app­el­sínu­gula borða, sem orðið hafa tákn friðsam­legra mót­mæla.

Lög­reglu­menn og fjöl­skyld­ur þeirra eru einnig á Lækj­ar­torgi og bera marg­ir þeirra bláa borða.

Nokkr­ir tug­ir manna mót­mæla nú utan við Alþing­is­húsið, berja á bumb­ur og hrópa slag­orð gegn rík­is­stjórn­inni. Hlé var gert á mót­mæl­un­um þar vegna þess að verið var að skíra barn í Dóm­kirkj­unni en að skírn­ar­at­höfn­inni lok­inni héldu mót­mæl­in áfram.