Að mati alþjóðlega matsfyrirtækisins Fitch Ratings mun hollusta nýrra stjórnvalda á Íslandi við aðgerðaáætlun Alþjóðagjaldeyrissjóðsins (IMF) ráða mestu um framtíð lánshæfismats ríkissjóðs í bókum matsfyrirtækisins næsta kastið.  Lánshæfiseinkunn ríkissjóðs hjá Fitch fyrir skuldbindingar í erlendri mynt eru nú BBB-  og eru á neikvæðum horfum. Fitch, líkt og hin matsfyrirtækin sem meta lánshæfi ríkissjóðs, hefur hríðlækkað lánshæfismat ríkisjóðs í kjölfar bankahrunsins í október. Greint er frá þessu í Morgunkorni Glitnis.

Paul Rawkins sérfræðingur hjá Fitch sagði í viðtali við Reuters að ef aðgerðaáætlun IMF og íslenskra stjórnvalda myndi komast í uppnám yrðu afleiðingarnar hrikalegar. Rawkins sagði jafnframt að pólitískur óstöðugleiki væri ekki af hinu góða og gæti aukið líkurnar á frekari lækkun lánshæfismats ríkisjóðs.

„Þessar ábendingar frá Fitch er áþekkar því sem Kenneth Orchard sérfræðingur Moody´s  sagði í síðustu viku en þá  benti hann á mikilvægi þess að Ísland myndi halda sig við aðgerðaáætlun AGS. Þá sagði Orchard að núna væri mikilvægara en nokkru sinni fyrr að Ísland myndi tryggja stöðu sína í alþjóðasamfélaginu og viðhalda góðum samskiptum við aðrar þjóðir," að því er segir í Morgunkorni Glitnis.

Tengdar fréttir

Alþingiskosningar 2009

Lítilsháttar lækkun á Wall Street

• Ekki hyggindi að slátra mjólkurkúnni
• Margt ágætt en ósammála um tvennt
• Trúi ekki að Samfylkingin láti stranda á ESB
• Allt upp á borð fyrir kosningar?

» Fleiri tengdar fréttir

• 2 blogg um fréttina

Bloggað um fréttina

• Haraldur Haraldsson: Fitch: IMF ræður mestu um lánshæfismat Íslands !!!!!!!
• Sigurður Sigurðsson: Samfylkingin spilaði endanlega rassinn úr buxunum !!!!