Næsta hrun í Bretlandi?

Bandaríska tímaritið Foreign Policy birtir á vef sínum í dag umfjöllun um þær þjóðir, sem taldar eru líklegastar til að lenda í fjármálahruni líkt og gerst hefur á Íslandi. Er Bretland þar efst á listanum en á eftir fylgja Lettland og Grikkland.

Tímaritið segir, að ástandið sé sérlega slæmt í Bretlandi vegna þess hve hagkerfi landsins sé háð fjármálastarfsemi. Nú skuldi breskir bankar um 4,4 billjónir dala og það sé stór biti að kyngja í ljósi þess að landsframleiðslan sé 2,1 billjón.

Þá segir blaðið að bresk stjórnvöld hafi þegar þjóðnýtt stóran hluta af fjármálageiranum og óttast sé að frekari aðgerðir í þá veru séu væntanlegar. Bresk ríkisfjármál séu orðin svo fyrirferðarmikil í hagkerfinu að landið sé nú kallað Sovét-Bretland.

Auk landanna þriggja, sem talin voru upp hér að framan, nefnir Foreign Policy Úkraínu og Níkaragva.

Foreign Policy

• 4 blogg um fréttina

Bloggað um fréttina

• Ásgrímur Hartmannsson: Hefnd frjálshyggjunnar
• Magnús Helgi Björgvinsson: Nú væri klókt hjá okkur að sýna Bretum samhug!
• Helga R. Einarsdóttir: Billjónir - eru þá skrilljónir kannski líka til í alvöru?
• S i g u r ð u r S i g u r ð a r s o n: Hagfræðingar götunnar