Meirihluti fylgjandi hvalveiðum
Setja bókamerki
Tveir þriðju hlutar landsmanna eru fylgjandi hvalveiðum í atvinnuskyni, eða 67,2%, samkvæmt skoðanakönnun sem Capacent Gallup vann fyrir Sjávarnytjar um helgina. Andvígir voru 19,7% og 13,2% tóku ekki afstöðu. Úrtak könnunarinnar var 1597 manns og svarhlutfall 60,5%.
Spurt var: Ertu hlynntur því eða andvígur að Íslendingar stundi hvalveiðar í atvinnuskyni?
„Þetta eru ákaflega jákvæðar niðurstöður og í samræmi við það sem við reiknuðum með. Þessi afgerandi stuðningur við hvalveiðar lýsir vilja meirihluta þjóðarinnar. Niðurstöðurnar eru athygliverðar í ljósi þess að könnunin er framkvæmd mitt í öllu því moldviðri sem þyrlað var upp í kjölfar ákvörðunar fráfarandi sjávarútvegsráðherra,“ segir Gunnar Bergmann Jónsson talsmaður Sjávarnytja.
Í könnuninni var einnig spurt hvort þátttakendur teldu að hvalveiðar í atvinnuskyni myndu bæta, skaða eða ekki hafa nein áhrif á ímynd Íslands erlendis. Alls töldu 58,9% að veiðarnar myndu ekki hafa nein áhrif á ímynd landsins eða bæta hana en 41,1% töldu veiðarnar skaða hana.
Þá reyndust 56,9% hlynnt ákvörðun fráfarandi sjávarútvegsráðherra um útgáfu hvalveiðiheimilda en 30,6% voru henni andvíg. Alls töldu 57,6% að hvalveiðar í atvinnuskyni hefðu jákvæð áhrif á atvinnuástandið og 61,2% töldu að þær myndu hafa jákvæð áhrif á efnahag þjóðarinnar.
Bloggað um fréttina
-
Nokkrar spurningar um sölu hvalaafurða
-
Að veiða hval
-
Tilfinningarök hvalveiðisinna
-
"Óskiljanleg pólitísk heimska"
-
ÞETTA er þjóðin, Ingibjörg
-
Hefjum selveiðar
-
Gegn vilja þjóðarinnar.
-
Meirihluti fylgjandi hvalveiðum eða 67,2% !!!!!!!
-
"Áhersla verði lögð á vinnumarkaðsaðgerðir"
-
Í bullandi meirihluta
-
Á ekki að koma neinum á óvart!!!!!!
-
Er ekki best að Alþingi höggvi á hnútinn?
-
Ætlar Vinstri stjórnin að hlusta á vilja þjóðarinnar?
-
Á að skoða þá eða skjóta þá?
-
spurning...
-
Samsæri Sjávarnytja?
-
Framhaldsbrandarinn vg
-
Er meirihluti fólksins í landinu ENN SOFANDI!
„Gagnrýnin er í raun að beinast að röngum aðila“
Lögðu hald á rangan Golf og greindu svo frá stuldi
Boðar fleiri hagræðingartillögur
Svört skýrsla: Brotið gegn réttindum barna
„Auðvitað á þetta bara að liggja fyrir“
Kröfu um ógildingu var hafnað