Tilbúin í viðræður um samstarf

Norski fjármálaráðherrann, Kristin Halvorsen, segist taka vel í  viðræður við íslensk stjórnvöld um gjaldeyrissamstarf ríkjanna ef eftir því verður leitað. Halvorsen er væntanleg til Íslands síðar í vikunni en Steingrímur J. Sigfússon, fjármálaráðherra, hefur lýst því yfir að honum hugnist slíkt samstarf. Þetta kemur fram í frétt Reuters.

Halvorsen mun ræða efnahagsástandið á Íslandi við Steingrím er hún kemur til Íslands.

Norska dagblaðið Klassekampen birti viðtal við Steingrím J. síðastliðinn föstudag undir fyrirsögninni: „Hugnast norska krónan“.

Steingrímur segir í viðtalinu að hann hafi óskað eftir viðræðum við norska fjármálaráðherrann, Kristinu Halvorsen, um útvíkkun á gjaldeyrissamstarfi þjóðanna. Henni sé boðið hingað til lands til að vera viðstödd 10 ára afmæli Vinstrihreyfingarinnar - græns framboðs dagana 6. og 7. febrúar nk. Norska krónan gæti verið valkostur við evruna.

• 7 blogg um fréttina

Bloggað um fréttina

• Birgir Þorsteinn Jóakimsson: Það væri gaman …
• Hörður Hilmarsson: Sjálfsagt að skoða þennan möguleika
• Jóhann Elíasson: Hvað veldur að Steingrími er svona umhugað um að við …
• Bergur Thorberg: Í einum vinstri grænum!
• Muddur: Um að gera að skoða þetta
• Sigurbjörg: Góður kostur ef um semst
• Jón Magnússon: Þetta sögðum við.