Lýst eftir Rolls Royce

Lögreglan á höfuðborgarsvæðinu leitar nú að Rolls Royce bifreið sem stolið var í Hafnarfirði en tilkynnt var um nytjastuldinn í síðasta mánuði. Eigandi bílsins var erlendis í nokkrar vikur en þjófnaðurinn uppgötvaðist þegar hann kom til baka. Rollsinn, sem er af gerðinni Silver Spirit, var þá horfinn  en bílnum var lagt við hús eigandans.

Bíllinn er blár að lit eins og sjá má á meðfylgjandi mynd. Þeir sem geta veitt upplýsingar um málið eru vinsamlegast beðnir um að hafa samband við lögregluna í síma 444-1000.

• 1 blogg um fréttina

Bloggað um fréttina

• smg: Í eigu eins mesta þjófs Íslandssögunnar?