Peningaþvætti gæti hafa farið fram hjá lögreglu

Helgi Magnús Gunnarsson, saksóknari á efnahagsbrotadeild ríkislögreglustjóra segir engar ábendingar hafa borist embættinu sem styðji það sem Boris Berezovsky hélt fram í viðtali á Sky um peningaþvætti rússneskra auðmanna á Íslandi. Hins vegar geti svona starfsemi vel geta hafa farið fram án þess að lögregla frétti af því.

Samkvæmt lögum ber fjármálafyrirtækjum og öðrum að tilkynna grun um peningaþvætti til Fjármálaeftirlitsins og sérstakrar peningaþvættisskrifstofu hjá embætti ríkislögreglustjóra. En Helgi Magnús segist óttast, að fjármálafyrirtæki hafi á síðustu árum ekki sinnt skyldu sinni að tilkynna grun um umfangsmikið peningaþvætti eða verið á varðbergi gagnvart vafasömum viðskiptum og millifærslum milli landa. Meira hafi verið tilkynnt um smærri mál með litlum fjárhæðum tengdum fíkniefnaviðskiptum, þegar komið hefur verið í útibú með plastpoka fulla af peningum.

Nánar er fjallað um þetta í Morgunblaðinu á morgun

• 8 blogg um fréttina

Bloggað um fréttina

• Finnur Bárðarson: Þvottavélin
• Gunnar Þór Ólafsson: Þá eru þeir einu aðilarnir á Íslandi sem ekki sá …
• Stefán Lárus Pálsson: Af hverju ekki hér?
• Ólafur Þórðarson: "Peningaþvætti hjá lögreglu? tjah, neeei. Ekki svo við vitum um."
• Jenný Anna Baldursdóttir: Heimskir og æstir í meira
• Auðun Gíslason: Einsog reyndar flestir glæpir burgeisanna!
• Hlédís: Auðvitað er of hættulegt að benda á þVOTTAHÚSIN
• Örn Ingólfsson: Milljarðarnir sem hurfu á meðan ekkert var gert!!!!