Enginn aðlögunartími

Frumtök, samtök framleiðenda frumlyfja, gera alvarlegar athugasemdir við stuttan aðlögunartíma sem gefinn er til lækkunar lyfjakostnaðar. „Það gefur augaleið að við höfum fullan skilning á þeirri afstöðu að ná fram sparnaði,“ segir Jakob Falur Garðarsson, framkvæmdastjóri Frumtaka.

Eigi sparnaðaraðgerðirnar hins vegar að taka gildi í mars sé þessi stutti tími til að bregðast við óásættanlegur. „Mér sýnist að verið sé að taka upp eins konar ríkislyf í flokki maga- og blóðþrýstingslækkandi lyfja,“ segir Jakob Falur og telur viðbúið að þung og mikil stjórnsýsla verði í kringum lyfjaskírteinaútgáfu. Það megi ekki gleymast að gríðarlegur árangur hafi náðst sl. ár í að lækka verð og heildsöluverð á Íslandi sé nú sambærilegt við nágrannalöndin.