Fíkniefnahundur hlaut ótímabæran dauðdaga

Fíkniefnahundur lögreglunnar á Selfossi er allur. Á laugardagskvöld veiktist Bea og var henni komið á dýraspítala þar sem henni hrakaði mjög.  Allt var gert til að lækna Beu en það bar ekki árangur og hún drapst um nóttina. Fram kemur á vef lögreglunnar að hundurinn hafi hlotið ótímabæran dauðdaga.

„Bea var tekin í notkun um vorið 2007. Hún var mjög efnileg og reyndist mjög vel við fíkniefnaleitir.  Reynt verður að komast að því, með krufningu, hvað olli dauða Beu.  Þessi ótímabæri dauði er bagalegur.  Ríkislögreglustjóri og Fangelsimálastofnun hafa heitið lögreglunni á Selfossi öllum mögulegum stuðningi til að brúa bilið þar til annar hundur fæst en það getur tekið allt að einu ári. 

Ólafur Helgi Kjartansson, lögreglustjóri hefur þegar leitað eftir því við ríkislögreglustjóra að leita að heppilegum hundi til kaups og þjálfunar,“ segir ennfremur á lögregluvefnum. 

• 1 blogg um fréttina

Bloggað um fréttina

• Helga R. Einarsdóttir: Blessuð sé minning hennar