Segir túlkun Geirs byggja á misskilningi
Setja bókamerki
Forsætisráðuneytið segir að misskilnings gæti í túlkun Geir H. Haarde á samskiptum ráðuneytisins við Alþjóðagjaldeyrissjóðinn (AGS), sem gerð voru að umtalsefni á Alþingi og í fjölmiðlum í dag. AGS hafi staðfest fullyrðingar Jóhönnu Sigurðardóttur forsætisráðherra.
„Ef farið er yfir þessi samskipti virðist ljóst að Alþjóðagjaldeyrissjóðurinn vísar í tölvupósti sínum til Geirs H. Haarde, dags. 12. febrúar sl., til endanlegrar umsagnar sjóðsins til forsætisráðuneytisins, sem birt var á heimasíðu forsætisráðuneytisins þann sama dag, þ.e. 12. febrúar sl. Þetta hefur nú fengist staðfest í símtali við fulltrúa Alþjóðagjaldeyrissjóðsins,“ segir í tilkyninngu frá ráðuneytinu.
„Jóhanna Sigurðardóttir, forsætisráðherra, hefur hins vegar bent á að í fyrri ábendingum Alþjóðagjaldeyrissjóðsins var margítrekað að um þær gilti trúnaður, eins og skýrt kemur fram í tölvupóstsamskiptum forsætisráðuneytisins og Alþjóðagjaldeyrissjóðsins sem nú hafa verið birt opinberlega,“ segir ennfremur í tilkynningunni.
„Tímabil aukinnar eldvirkni“
Bjarni: „Útilokað að þetta geti gengið upp“
Samfylking og Viðreisn gáfu loforð
Beint: Ný ríkisstjórn tekin við völdum
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
Bjarni afhenti Kristrúnu lyklana
