Eldsvoði á Akureyri

Eldur kviknaði í einbýlishúsi við Hrafnabjörg á Akureyri nú á tíunda tímanum en slökkvilið og lögregla fengu upplýsingar um brunann um tíuleytið. Er slökkviliðið búið að ná tökum á eldinum en er enn að störfum á brunastað. Samkvæmt upplýsingum frá lögreglunni á Akureyri var einn maður í húsinu en hann komst út úr húsinu. Var hann fluttur á sjúkrahús með brunasár.

Myndir af brunanum á Landpóstinum, fréttavef fjölmiðlafræðinema