Frumvarp gegn skattaundanskotum tilbúið

Steingrímur J. Sigfússon fjármálaráðherra er með í undirbúningi frumvarp um aðgerðir til að styrkja skattframkvæmd og vinna gegn skattundanskotum. Steingrímur sagðist á fréttamannafundi í dag vonast til að frumvarpið verði fullbúið og kynnt í ríkisstjórn á föstudaginn og verði lagt fram á þingi í næstu viku.

„Bankar og fjármálastofnanir þurfa að veita meiri upplýsingar um viðskipti, um eignir, skuldir, arð og söluhagnað o.fl. umfram það sem verið hefur. Í öðru lagi verða settar ríkari kvaðir á móðurfélög,  sem hér eru skráð,l að veita upplýsingar um starfsemi sína í útibúum og dótturfélögum erlendis. Í þriðja lagi verði aðilum, sem veita ráðgjöf og lögfræðilega aðstoð eða bókhaldaðstoð við íslenska skattaðila eða íslenska ríkisborgara, gert skylt að upplýsa um það hverja þeir hafa haft í sinni þjónustu og halda skrá yfir það. Í fjórða lagi er gert ráð fyrir, að við tökum upp skattlagningu vegna erlends eignarhald íslenskra fyrirtækja á lágskattasvæðum og setjum hér svokallaða CFC-löggjöf, sem er að finna í flestum aðildarríkjum Efnahags- og framfarastfonunarinnar en hefur ekki verið í gildi hér," sagði Steingrímur.

Hann sagði, að segja mætti að skattaleg meðferð sé sniðin að því sem sé í móðurfélaginu og skattalandi þess, þannig að það hafi minni tilgang fyrir menn að reyna að leita uppi skattaskjól til að fela starfsemi þar," sagði Steingrímur.

• 1 blogg um fréttina

Bloggað um fréttina

• Þráinn Jökull Elísson: Og hvað svo?