Ráðamenn í skýrslutökur

Senn líður að því að banka­stjór­ar, ráðherr­ar og aðrir þeir sem aðild áttu að at­b­urðum sem leiddu til falls bank­anna í októ­ber í fyrra verði kallaðir til skýrslu­töku hjá rann­sókn­ar­nefnd Alþing­is um banka­hrunið. Þetta staðfesti Páll Hreins­son, formaður nefnd­ar­inn­ar, í sam­tali við mbl.is í dag. Með hon­um í nefnd­inni er Tryggvi Gunn­ars­son hrl., og umboðsmaður Alþing­is, og Sig­ríður Bene­dikts­dótt­ir hag­fræðing­ur við Yale há­skóla.

„Ég reikna með því að mögu­legt verði að kalla í skýrslu­töku aðila sem við telj­um vert að ræða við, þar á meðal banka­stjóra, ráðherra og stjórn­mála­menn, um miðjan næsta mánuð ef allt geng­ur að ósk­um,“ sagði Páll í sam­tali við mbl.is.

Páll seg­ir nefnd­ina hafa verið önn­um kafna við vinnu frá því hún tók til starfa um ára­mót. Mik­il vinna hafi farið fram við að afla gagna og draga upp mynd af at­b­urðum sem væru til rann­sókn­ar. Sér­fræðing­ar hafi aðstoðað nefnd­ina við fjöl­marga þætti.

Meg­in­hlut­verk nefnd­ar­inn­ar er að safna upp­lýs­ing­um um staðreynd­ir sem við koma banka­hrun­inu, draga upp heild­ar­mynd af aðdrag­anda að falli bank­anna og svara því hverj­ar hafi verið or­sak­ir þess. Þá er nefnd­inni einnig ætlað að leggja mat á hvort um mis­tök eða van­rækslu hafi verið að ræða við fram­kvæmd ein­stakra laga og reglna um fjár­mála­starf­semi á Íslandi og eft­ir­lit með henni og hverj­ir kunni að bera ábyrgð á því.

Páll seg­ir nefnd­ina meðal ann­ars vera að skoða áhrif kerf­is­lægra breyt­inga á ís­lenskt efna­hags­líf, þar á meðal einka­væðingu bank­anna. „Það að mörgu að hyggja og ljóst að marga þætti þarf að skoða til að heild­ar­mynd­in verði rétt.“ 

• 10 blogg um frétt­ina

Bloggað um frétt­ina

• Bald­vin Jóns­son: Skyldi hér vera mögu­leg­ur hluti ástæðunn­ar fyr­ir því að Árni …
• Bene­dikta E: Loks­ins kom að því - en hverj­ir ann­ast skýrslu­tök­urn­ar fyr­ir …
• Jakobína Ing­unn Ólafs­dótt­ir: Vin­ur Björns Bjarna­son­ar að störf­um
• Jón Snæ­björns­son: Senn líður að því að banka­stjór­ar, ráðherr­ar og aðrir þeir …
• Gunn­ar Th. Gunn­ars­son: Hverj­ir gera skýrsl­urn­ar?
• Þórður Björn Sig­urðsson: Brugðu ráðamenn fæti fyr­ir al­menn­ing?
• Magnús Þór Indriðason: Ráðamenn í skýrslu­töku
• Stein­arr Braga­son: Af hverju er þessu ekki sjón­varpað?
• Skúli Sig­urðsson: Rann­sókn­ar­nefnd um banka­hrunið, kom­inn tími til að skoða hvers­vegna banka­hrun.
• Ein­ar B Braga­son : Hvernig yf­ir­heyrsla skildi þetta verða ?