Frumvarp um stjórnarskrárbreytingar
Setja bókamerki
Leiðtogar fjögurra stjórnmálaflokka lögðu í kvöld fram frumvarp á Alþingi um breytingar á stjórnarskránni.
Í frumvarpinu er lagt til að ákvæði verði í stjórnarskrá um að náttúruauðlindir, sem ekki eru háðar einkaeignarrétti, séu þjóðareign. Einnig er lagt til að Alþingi geti gert breytingar á stjórnarskrá og borið undir þjóðaratkvæðagreiðslu án þess að boðað sé til þingkosninga. Þá er lagt til að kallað verði saman stjórnlagaþing fyrir 1. desember 2009 sem endurskoði stjórnarskrána. Stjórnlagaþingið starfi ekki lengur en til 17. júní 2011.
Jóhanna Sigurðardóttir, forsætisráðherra, er fyrsti flutningsmaður frumvarpsins en aðrir flutningsmenn eru Steingrímur J. Sigfússon, formaður VG, Guðjón A. Kristjánsson, formaður Frjálslynda flokksins og Birkir Jón Jónsson, varaformaður Framsóknarflokksins. Sjálfstæðisflokkurinn stendur ekki að frumvarpinu.
„Tímabil aukinnar eldvirkni“
Hrikalegt að heyra fréttirnar
Skattamál verði líklega „þeirra mesta klemma“
Funda með þingflokkum
Lát hjóna í Neskaupstað: Ákæra gefin út
Bjarni: „Útilokað að þetta geti gengið upp“
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
