Grænu skyri slett í HÍ

Þrír grímuklæddir mótmælendur skvettu grænni skyrsúpu á kynningarfulltrúa orkufyrirtækja á Grænum dögum í  Háskóla Íslands í morgun.

Voru það fulltrúar Orkuveitu Reykjavíkur, Landsvirkjunar, Metans, dótturfyrirtækis Sorpu, Nýorku og Geysir Green Energy sem þar ætluðu að halda kynningu á hreinni orku.

Mættu mótmælendurnir vopnaðir stórum fötum og voru fulltrúar fyrirtækjanna, kynningarbásar og nálægt umhverfi útatað eftir aðgerðirnar.

Ekki tókst að ná þeim sem að skyrinu skvettu, en starfsmenn Háskólans handsömuðu einn einstakling sem reyndi að koma í veg fyrir að mótmælendur væru eltir.

Ekki hafa fengist upplýsingar um af hverju mótmælendur létu til skarar skríða, en málið hefur verið kært til lögreglu.

Grænir dagar á vegum nemendafélagsins Gaiu verða í HÍ út vikuna, en hætt var við kynningu orkufyrirtækjanna.

• 6 blogg um fréttina

Bloggað um fréttina

• Vésteinn Valgarðsson: Viðbjóður
• Sæmundur Bjarnason: Gamalt skyr þeir gefa nú
• Björn Jónsson: Ógeðssinnar aftur á ferð.
• Valbjörn Júlíus Þorláksson: Niður með hreina orku, við viljum kolaver!
• Gunnar Th. Gunnarsson: Vanmetnir vitleysingar
• Bergur Thorberg: Afgangar frá jólunum