Átök milli ungmenna

Til átaka kom milli ungmenna á gatnamótum Mávahlíðar og Lönguhlíðar í Reykjavík laust fyrir klukkan tíu í kvöld. Ungmennin voru farin þegar lögreglan kom á staðinn og enginn hefur verið handtekinn. Enginn var fluttur á sjúkrahús vegna átakanna, að sögn varðstjóra lögreglunnar á höfuðborgarsvæðinu.

Lögreglan fékk ábendingu um að hnífum og bareflum hefði verið beitt í átökunum. Lögreglumenn fundu hníf í húsi sem var kannað í tengslum við rannsókn málsins, en ekki var vitað hvort honum var beitt í átökunum.

Lögreglumenn eru enn á vettvangi átakanna og rannsókn málsins er ekki lokið.

• 2 blogg um fréttina

Bloggað um fréttina

• Gylfi Þór Þórisson: Forvarnir og uppeldi barna okkar
• Stefán Friðrik Stefánsson: Unglingaátökin í Reykjavík