Fall Straums tafði AGS

Dvöl sendinefndar Alþjóðagjaldeyrissjóðsins hér á landi verður framlengd fram á föstudag, en ráðgert var að hún lyki störfum í dag. Mark Flanagan, sem fer fyrir nefndinni, fundar með fjölmiðlafólki á föstudag. Aðalástæðan fyrir framlengingunni á dvöl nefndarinnar er fall fjárfestingarbankans Straums, en að sögn Kristjáns Kristjánssonar hjá forsætisráðuneytinu tók það mál mikinn tíma frá embættismönnum um helgina. Auk þess reyndust störf nefndarinnar flóknari og tímafrekari en upphaflega var reiknað með.