Þyrla sækir mjaðmarbrotna stúlku

Björgunarsveitarmenn úr Árborg, Þorlákshöfn og Hveragerði vinna nú að því að sækja stúlku í Reykjadal ofan Hveragerðis sem meiddist á göngu og talið er að hafi mjaðmarbrotnað. Þetta kemur fram á fréttavefnum Sunnlendingi.

Að sögn lögreglunnar á Selfossi er þess nú beðið að þyrla Landhelgisgæslunnar komi á staðinn til að flytja stúlkuna á slysadeild Landsspítalans, þar sem hún er stödd langt inni í dal þar sem bratt er, snjór yfir öllu og erfitt yfirferðar. Ekki er vitað með vissu hvernig slysið bar að. 

Aðeins nokkrir dagar eru síðan félagar í björgunarsveitunum þremur komu fótbrotinni konu til aðstoðar á svipuðum slóðum. 

• 1 blogg um fréttina

Bloggað um fréttina

• Stefán Helgi Valsson: Maður handleggsbrotnaði við Geysi