Umræðu um stjórnarskrárfrumvarp frestað

Umræða stóð til klukkan rúmlega 23 á Alþingi í kvöld um frumvarp til stjórnarskipunarlaga. Fyrsta umræða um frumvarpið hófst á föstudag og átti að halda áfram í gær en ekki varð af því vegna þess hve lokaumræða um séreignasparnað tók langan tíma.

Umræðan hófst á þriðja tímanum í dag og enn voru nokkrir á mælendaskrá þegar umræðunni var frestað í kvöld. 

Allir þingflokkar, aðrir en Sjálfstæðisflokkur, standa að frumvarpinu. Þingmenn Sjálfstæðisflokks hafa gagnrýnt harðlega að til standi að breyta stjórnarskránni án þess að það sé gert í samkomulagi allra flokka. Sjálfstæðismenn hafa einnig gagnrýnt harðlega áform um að boða til stjórnlagaþings, segja það verða afar kostnaðarsamt og jafnframt sé verið að sniðganga Alþingi með því. 

• 5 blogg um fréttina

Bloggað um fréttina

• Guðbjörn Jónsson: Sérkennileg framganga Sjálfstæðisflokksins.
• Gestur Guðjónsson: Sjálfstæðisflokkurinn enn og aftur til skaða í stjórnarskrármálum
• Stefán Friðrik Stefánsson: Fljótaskrift á stjórnarskrá í kosningabaráttu
• Haukur Baukur: Sería 73, þáttur 137
• Þráinn Jökull Elísson: Sárt bítur sekan.