Ferðamönnum komið til bjargar

Björgunarsveitarmenn hafa komið tveimur frönskum ferðamönnum, karli og konu, til aðstoðar, sem lentu í vandræðum á Sprengisandi. Fólkið er komið í snjóbíl sem flytur þau til Akureyrar. Ekkert amar að fólkinu sem var vel búið.

Veður er mjög slæmt á Sprengisandi þessa stundina og skyggni ekkert. Björgunarsveitin mun flytja fólkið til byggða en það tekur nokkrar klukkustundir.

Fólkið hélt kyrru fyrir um það bil 10 km vestur af Fjórðungsöldu á Sprengisandi. Þau komu boðum í gegnum síma til félaga síns í heimalandinu sem hafði samband við Slysavarnafélagið Landsbjörg. Ferðalangarnir voru á leið í Nýjadal en veður er kolvitlaust á svæðinu og misstu þeir frá sér tjaldið.

Snjóbíll frá Hjálparsveitinni Dalbjörg fór frá Berglandi og á staðinn og hefur komið fólkinu til aðstoðar.

• 2 blogg um fréttina

Bloggað um fréttina

• Anna Guðný : Tjalda í mars á Íslandi!
• Magnús Jónsson: Vel gert Hjá björgunarsveitunum