Fimm lífeyrissjóðir í rannsókn
Setja bókamerki
Fjármálaeftirlitið hefur vísað málum fimm lífeyrissjóða sem eru í rekstri og eignastýringu Landsbankans til rannsóknar sérstaks saksóknara sem í dag hóf opinbera rannsókn á meintum brotum.
Stjórnum og framkvæmdastjórum lífeyrissjóðanna hefur tímabundið verið vikið frá störfum og hefur fjármálaráðherra hefur skipað umsjónaraðila með sjóðunum.
Í tilkynningu fjármálaráðuneytisins segir að ráðuneytið hafi að tillögu Fjármálaeftirlitsins skipað Íslenska lífeyrissjóðnum, Lífeyrissjóði Eimskipafélags Íslands, Lífeyrissjóði Tannlæknafélags Íslands, Eftirlaunasjóði FÍA og Kili lífeyrissjóði umsjónaraðila samkvæmt ákvæðum laga um skyldutryggingu lífeyrisréttinda og starfsemi lífeyrissjóða. Þessir lífeyrissjóðir eru í rekstri og eignastýringu Landsbankans.
Tillögur Fjármálaeftirlitsins um skipan umsjónaraðila eru fram komnar í kjölfar rannsóknar eftirlitsins á því hvort viðkomandi sjóðir hafi gerst brotlegir við lög varðandi starfsemi á árinu 2008. Fjármálaeftirlitið hefur vísað málinu til frekari rannsóknar sérstaks saksóknara sem í dag hóf opinbera rannsókn á hinum meintu brotum.
Umsjónaraðili Íslenska lífeyrissjóðsins og Lífeyrissjóðs Eimskipafélags Íslands frá og með 17. mars 2009 er Lára V. Júlíusdóttir hrl.
Umsjónaraðili Lífeyrissjóðs Tannlæknafélags Íslands, Eftirlaunasjóðs FÍA og Kjalar lífeyrissjóðs frá og með 17. mars 2009 er Viðar Lúðvíksson hrl.
Umsjónaraðilar taka við réttindum og skyldum stjórnar og framkvæmdastjóra eftir því sem nánar er kveðið á um í erindisbréfum þeirra. Erindisbréfin gilda til 1. júlí 2009 og skulu umsjónaraðilar þá hafa lagt fram tillögur um framtíð sjóðanna fyrir fjármálaráðherra.
Vakin er athygli á því að daglegur rekstur lífeyrissjóðanna helst óbreyttur og mun hagsmuna sjóðfélaga verða gætt í hvívetna. Á næstu dögum verður sjóðfélögum umræddra lífeyrissjóða sent bréf með frekari upplýsingum um stöðu mála og næstu skref.
Áréttað skal að þau meintu brot sem hér um ræðir varða starfsemi umræddra lífeyrissjóða.
Ekki á ábyrgð Nýja Landsbankans
Í tilkynningu frá Nýja Landsbankanum segir að tilgangur rannsóknarinnar sé að að kanna hvort lífeyrissjóðirnis hafi á fyrri hluta árs 2008 farið út fyrir lagaramma um fjárfestingarákvarðanir og hvort upplýsingagjöf þar að lútandi hafi verið ábótavant. Þá segir að Landsbankinn muni tryggja gott samstarf við embættið og vonast er til að niðurstaða fáist í málið sem fyrst.
Þá er áréttað að þau meintu brot sem hér um ræðir varða starfsemi umræddra lífeyrissjóða á árinu 2008 og eru því á engan hátt á ábyrgð yfirstjórnar Nýja Landsbankans.
Skattamál verði líklega „þeirra mesta klemma“
„Hagræðingarmál eru í fyrsta sæti“
„Mér finnst gamla Samfylkingin komin aftur“
„Aðstæður í stjórnmálum geta breyst á einni nóttu“
Bjarni: „Útilokað að þetta geti gengið upp“
Alvarleg netárás á Wise
Hrikalegt að heyra fréttirnar
Segir að verið sé að svindla á Bandaríkjunum