Merki um ábyrgar fiskveiðar Íslendinga vekur athygli

Erlendir fjölmiðlar hafa fjallað nokkuð um íslenskt merki um ábyrgar fiskveiðar Íslendinga, sem kynnt var fyrir fullum sal gesta á sjávarútvegssýningunni í Boston fyrr í vikunni.  Almenna merkið var fyrst kynnt á Íslensku sjávarútvegssýningunni í byrjun október. Það merki er án vottunar, en vísar til íslensks uppruna og yfirlýsingar um ábyrgar fiskveiðar. Þetta kemur fram á vef LÍÚ.

Fram kemur að merkið skírskoti til íslensks uppruna afurða. Mörg markaðssvæði leggi áherslu á að fá skýra upprunatengingu við Ísland. Merkið sé í senn markaðstæki fyrir íslenska framleiðendur sjávarafurða og svar við kröfum markaða um að sjávarafurðir komi úr fiskistofnum, sem nýttir séu á ábyrgan hátt.  Merkið sé samstarfsverkefni hagsmunaaðila í íslenskum sjávarútvegi sem notið hafi stuðnings opinberra aðila.

• 1 blogg um fréttina

Bloggað um fréttina

• Guðrún María Óskarsdóttir.: Öfugmælavísa, ábyrgra fiskveiða.