Lóan er komin
Setja bókamerki
Kunnuglegur og kærkominn söngur barst mönnum til eyrna á Höfn í Hornafirði snemma í morgun og reyndist þar heiðlóan vera komin til landsins. Lóan var ein á ferð og flaug yfir Einarslund á Höfn syngjandi sitt fagra dirrindí og því greinilega komin í þeim erindagjörðum að boða komu vorsins að því er fram kemur á vefnum fuglar.is
Lóan er í fyrra fallinu í ár, en á síðustu 10 árum hafa þær fyrstu að jafnaði komið á bilinu 20. til 31. mars. Í byrjun mánaðarins bárust reyndar fregnir um að sést hefði til lóu við Bakkatjörn á Seltjarnarnesi og á Hlíðsnesi á Álftanesi en talið er líklegast að þar hafi vetursetufuglar verið á ferð. Enginn vafi leikur hinsvegar á því nú að lóan er komin aftur til að njóta íslenska sumarsins, líkt og margir eru vafalaust byrjaðir að gera í huganum.
Tíu börn á spítala, þar af tvö á gjörgæslu
Fer fram á sex og hálfs ára fangelsi yfir Jóni Inga
Hvað verður um sakamálin ef Trump vinnur? Eða tapar?
„Allir tilbúnir að hjálpa“
Ísrael rýfur öll tengsl við UNRWA
Útlit fyrir að hallinn verði 17 milljörðum meiri
Þungbært að missa félaga