Opnunartími verslana í Kringlunni styttur

Stjórnar Rekstrarfélags Kringlunnar hefur ákveðið að draga úr afgreiðslutíma Kringlunnar í vor og sumar, í því skyni að draga úr kostnaði rekstraraðila. Við þessar breytingar er þó reynt að tryggja að þær hafi sem minnst áhrif á viðskiptavini Kringlunnar, að því er segir í tilkynningu.

Nýlega gerði Rekstrarfélag Kringlunnar könnun meðal kaupmanna þar sem könnuð var afstaða til afgreiðslutíma Kringlunnar við núverandi aðstæður.  Í ljós kom að rúm 80% þeirra töldu að draga mætti úr afgreiðslutíma Kringlunnar í hagræðingarskyni.

Í ljósi þess var ákvörðun tekin um að frá og með 9.apríl og til og með 10.ágúst næst komandi verði afgreiðslutími Kringlunnar á fimmtudögum frá kl. 10:00-19:00 í stað 10:00-21:00 og á sunnudögum verður hann einnig styttur.  Eftir 10.ágúst mun afgreiðslutími Kringlunnar færast til fyrra horfs.

Rekstargjöld lækkuð

Á fundi stjórnar Rekstrarfélags Kringlunnar þann 4. nóvember síðastliðinn var samþykkt rekstraráætlun fyrir árið 2009.   Í henni er gert ráð fyrir því að rekstrargjöld ársins 2009 lækki um 13,0% að nafnverði frá rekstraráætlun ársins 2008 eða um 23,8% að teknu tilliti til verðlagsbreytinga á árinu 2008.

• 5 blogg um fréttina

Bloggað um fréttina

• Haukur Gunnarsson: Gott smá vitglóra
• Steini Thorst: Loksins !!!!!
• Emil Örn Kristjánsson: Ekki vitlaust
• eldað með hjartanu: TV-lausir fimmtudaga....
• Ingibjörg Friðriksdóttir: Þó fyrr hefði verið.