Atli Gísla­son, þingmaður Vinstri­hreyf­ing­ar­inn­ar-græns fram­boðs, sagðist á Alþingi í dag hafa ástæðu til að ætla, að stór hluti arðgreiðslna í banka­kerf­inu und­an­far­in ár hefði stafað af því að viðskipta­vild var hækkuð í bók­haldi upp í 30-50% af eig­in fé. „Það er grafal­var­legt og rann­sókn­ar­efni," sagði Atli.  

Atli sagðist hafa á sín­um tíma lært þá þumalputta­reglu, að viðskipta­vild væri reiknuð 10% af ár­svelti. Bæði einka­bank­arn­ir og spari­sjóðirn­ir hefðu  hins veg­ar hækkað þessa viðskipta­vild í 30-50% á ár­un­um 2002-2007, myndað þannig tekj­ur í bók­haldi og hækkað eigið fé sem síðan var grund­völl­ur láns­trausts.

„Þannig þeir skapað loft­bólu­hagnað og í kjöl­farið loft­bólu­arðgreiðslur og loft­bólu eigið fé sem þeir fengu síðan lánað út á. Þetta er auðvitað svindil­brask, eins og það var kallað hér í den. Þetta hafa spari­sjóðirn­ir einnig gert og ég bið rík­is­stjórn­ina að hafa það í huga, áður en hún reiðir fram 20% aðstoð við þá af eig­in fé árið 2007, að skoða ná­kvæm­lega hvernig eigið fé spari­sjóðanna hef­ur þró­ast," sagði Atli.

Hann sagðist hafa lesið ný­lega, að Byr spari­sjóður hefði ákveðið að færa viðskipta­vild niður  um 4 millj­arða. Sagðist hann hafa sent rannn­sókn­ar­nefnd Alþingi og sér­stök­um sak­sókn­ara er­indi þess efn­is, að þetta verði skoðað sér­stak­lega.

Tengd­ar frétt­ir

Bankakreppa

Biðu sömu ör­laga og Ísland

• Vilja að bank­arn­ir end­ur­greiði aðstoðina
• Merki um siðrof í þjóðfé­lag­inu
• Eign­ir metn­ar á 775 millj­arða
• Aukn­ar álög­ur á íbúa Grims­by

» Fleiri tengd­ar frétt­ir

• 5 blogg um frétt­ina

Bloggað um frétt­ina

• Ægir Óskar Hall­gríms­son: Ból­ur hér og ból­ur þar!!
• Jakob Þór Har­alds­son: Atli stend­ur vakt­ina!
• Tóm­as Ib­sen Hall­dórs­son: Viðskipta­vild banka og spari­sjóða 30-50% af eig­in fé.
• Har­ald­ur Har­alds­son: Loft­bólu­hagnaður og loft­bólu­arður/​Já en skuld­irn­ar??????
• Jakobína Ing­unn Ólafs­dótt­ir: Þannig rændu þeir bank­anna