Ein sú stærsta á Suðurlandi

Um fimm hundruð kannabisplöntur fundust á sveitabæ í Þykkvabæ í gærkvöldi. Samkvæmt upplýsingum frá yfirlögregluþjóni á Hvolsvelli var um mjög stórar plöntur að ræða og er ræktunin ein sú stærsta sem fundist hefur á Suðurlandi.

Sveinn Kristján Rúnarsson, yfirlögregluþjónn á Hvolsvelli, segir að ræktunin hafi fundist í gærkvöldi og unnið hafi verið fram á nótt við að taka niður plöntur og telja. Um hafi verið ræða tæplega fimm hundruð plöntur auk græðlinga. Sveitabærinn var í útleigu en hann Sveinn vildi ekkert tjá sig um hvort og þá hversu margir hefðu verið handteknir í tengslum við málið.

Ljóst er af stærð plantnanna að ræktunin hefur farið fram í töluverðan tíma. Engir fjármunir eða þýfi fannst á staðnum.

Aðgerðin var samstarfsverkefni lögreglunnar á Hvolsvelli og lögreglunnar á Selfossi.

• 5 blogg um fréttina

Bloggað um fréttina

• Börkur Hrólfsson: Krabbamein - reykingar
• Njörður Helgason: Nýbreyttni í kartöflubænum
• Jóhann Elíasson: Fleira ræktað í Þykkvabænum en kartöflur....
• Haraldur Bjarnason: Hættir í kartöflunum?
• Jóhann Kristjánsson: Nóg að gera í garðyrkjunni.