Vertíðarstemmning í Eyjum
Setja bókamerki
„Það er allt á útopnu í fiskvinnslu. Við erum að vinna hér saltfisk myrkranna á milli og það er nóg að gera í vinnslu bolfiskafurða. Fiskeríið hefur verið mjög gott síðustu daga þannig að það hér er sannkölluð vertíðarstemmning,“ segir Sigurjón Gísli Jónsson, framleiðslustjóri hjá Vinnslustöðinni í Vestmannaeyjum.
Mokafli hefur verið í öll veiðarfæri að undanförnu og hefst vart undan í landi. Sigurjón segir að bætt hafi verið við 30 til 40 manns í vinnsluna, meðal annars skólafólki en fyrir voru 70 manns við fiskvinnsluna. Allt í allt eru því um og yfir 100 manns í vinnslunni.
„Þá tókum við í vikunni upp vaktir allan sólarhringinn í saltfiskvinnslunni. Það voru ekki margir dagar en það þurfti síðast að taka upp sólarhringsvaktir í saltfiskvinnslunni árið 1980. Þetta er gamli vertíðarbragurinn sem fólk hér í Eyjum þekkir svo vel og ég sé fyrir mér mjög þétta dagskrá fram að páskum að minnsta kosti,“ segir Sigurjón Gísli Jónsson, framleiðslustjóri hjá Vinnslustöðinni.
Búseta skortir byggingarlóðir
Hraunið við bílastæði Bláa lónsins
Drónamyndskeið frá hápunkti gossins í nótt
Mæðgur dæmdar til að greiða 64 milljónir
Virknin dregist saman um 600 metra
Spara stórfé með olíukaupum ytra
Börn hafi engan rétt á leikskólakennslu