Stutt í úrskurð vegna hælisleitenda

Dómsmálaráðherra hefur óskað eftir upplýsingum um aðstæður flóttamanna í Grikklandi. Tilefnið er beiðni fimm manna um hæli hér á landi sem bíður úrskurðar ráðherrans. Vísa átti þeim úr landi fyrir helgi – til Grikklands – en ráðherra frestaði málinu þar sem ráðuneytið átti enn eftir að úrskurða í því.

Mál mannanna hefur verið til meðferðar hjá ráðuneytinu síðan á haustmánuðum. Ragna Árnadóttir dómsmálaráðherra vonar að niðurstaða fáist í málið von bráðar. Mennirnir eru m.a. frá Albaníu, Afganistan og Írak.

Fjallað er um málið í Morgunblaðinu í dag.