Landsvirkjun segir fjárhagsstöðuna trausta

Landsvirkjun segir, að fjárhagsstaða fyrirtækisins sé afar traust. Rekstur fyrirtækisins hafi skilað tæplega 185 milljónum Bandaríkjadala á árinu 2008 til fjárfestinga og til að greiða niður skuldir. Hins vegar geri staða og orðspor Íslands á alþjóðlegum lánsfjármörkuðum Landsvirkjun og öðrum íslenskum aðilum erfitt fyrir um þessar mundir.

Yfirlýsing Landsvirkjunar er eftirfarandi: 

„Í tilefni af fréttum RÚV um hæfi Landsvirkjunar til að greiða af lánum sínum vill fyrirtækið taka fram að fjárhagsstaða þess er afar traust. Rekstur fyrirtækisins skilaði tæplega 185 milljónum Bandaríkjadala á árinu 2008 til fjárfestinga og til að greiða niður skuldir. Einnig hefur fyrirtækið þegar tryggt fjármagn til að standa við allar núverandi skuldbindingar fyrirtækisins þar til í árslok 2010 eins og fram kemur í ársreikningi Landsvirkjunar.

Um þessar mundir skiptir aðgangur að lausafé öllu um efnahagslega lífsvon fyrirtækja og þjóða. Staða og orðspor Íslands á alþjóðlegum lánsfjármörkuðum gerir Landsvirkjun og öðrum íslenskum aðilum erfitt fyrir um þessar mundir. Ekki er sérstakt tilefni nú til að óttast að það ástand ríki um ókomin ár.

• 2 blogg um fréttina

Bloggað um fréttina

• Jakobína Ingunn Ólafsdóttir: Draumórar um alheims fjármálamiðstöð á Íslandi rústuðu atvinnuvegunum
• Einar Júlíusson: Landsvirkjun er gjaldþrota