Spurningakeppni fjölmiðla um hvítasunnu

Stefnt er að því að halda Spurningakeppni fjölmiðlanna á Rás 2 hjá Ríkisútvarpinu í kringum hvítasunnu, að sögn Sigrúnar Stefánsdóttur dagskrárstjóra.

„Ég var búin að taka ákvörðun um að þessi keppni yrði ekki um páskana af sparnaðarástæðum. Það er ansi þröngt í búi og ekki síst hjá Rás 2 sem er með afskaplega þröngan fjárhag. Ég hef hins vegar orðið vör við mikinn áhuga á að henni verði fram haldið þannig að ég er búin að ræða við Ævar Örn Jósepsson spyril um að útfæra nýja útgáfu í ár,“ segir Sigrún.

Hún segir að þar sem þegar hafi verið gengið frá páskadagskránni sé gert ráð fyrir því að keppnin verði á sunnudögum fyrir hvítasunnu og að henni ljúki um hátíðina.

• 2 blogg um fréttina

Bloggað um fréttina

• Guðmundur St Ragnarsson: RÚV í ruglinu. Yes, no, yes, no!
• Magnús Geir Guðmundsson: Mjög leitt og nokkuð skiljanlegt kannski, en hvurn fjáran...