Mótmælendur enn í haldi

Mótmælendurnir sjö sem handteknir voru fyrir utan heimili forstjóra Útlendingastofnunar eru enn í haldi lögreglu. Að sögn lögreglu verður tekin skýrsla af þeim og málinu líklega lokið með sektargerð. Á milli tuttugu og þrjátíu manns tóku þátt í mótmælunum.

Mótmælin voru að sögn vitna friðsöm, þar til lögregla bað mótmælendur um að fara. Sjö sinntu ekki fyrirmælum lögreglu og voru í kjölfarið handtekin. Ekki kom til átaka.

Boðað var til mótmæla fyrir helgi. Hist var við Hamraborg í Kópavogi klukkan 15 og gengið þaðan til heimilis Hauks Guðmundssonar, forstjóra Útlendingastofnunar. Lögregla var með viðbúnað vegna mótmælanna. Í tilkynningu segir að verið sé að mótmæla meðferð íslenskra stjórnvalda á hælisleitendum á Íslandi.

• 5 blogg um fréttina

Bloggað um fréttina

• Haraldur Bjarnason: Óafsakanleg mótmæli á röngum stað
• Ómar Ragnarsson: Vanda þarf til mótmæla.
• Haukur Gunnarsson: Kjánaleg mótmæli
• Tollinn: Friðhelgi heimilinna?
• Jenný Anna Baldursdóttir: Alkalegur metnaður