Snjókarlinn ekki látinn í friði

Lögreglan á Akureyri handtók um liðna nótt þrjá karlmenn um tvítugt eftir að þeir gengu í skrokk á stórum snjókarli sem staðsettur er á Ráðhústorgi. Ekki var þó aðeins árásin á snjókarlinn heldur einnig mikil ölvun mannanna sem leiddi til handtökunnar.

Samkvæmt upplýsingum frá lögreglunni á Akureyri hefur snjókarlinn ekki fengið að vera í friði fyrir árásum ungra Akureyringa frá því hann var hlaðinn. Snjókarlinn bráðnaði reyndar í hlýindum fyrir nokkru en var endurreistur í gærdag. Að undirlagi Akureyrarstofu voru vaskar stúlkur úr 4. flokki Þórs í fótbolta fengnar til að hlaða aftur upp karlinn með dyggri aðstoð foreldra sinna og starfsmanna bæjarins. Sérstakur listrænn ráðunautur við verkið var Hallgrímur Stefán Ingólfsson. 

• 4 blogg um fréttina

Bloggað um fréttina

• Kjartan Pétur Sigurðsson: SNJÓKARLAR Í EGYPTALANDI! - MYNDIR
• Jóna Kolbrún Garðarsdóttir: Snjókarlinn sagði
• Börkur Hrólfsson: Akureyringar eru náttúrulega dálítið bilaðir !
• Jenný Anna Baldursdóttir: Ég get ekki talað