9,4% karla hafa lagst inn á Vog

Alls hafa 19.248 einstaklingar komið á sjúkrahúsið Vog í 53.858 skipti á rúmum 30 árum  en 9,4% karla og 4% kvenna á Íslandi sem eru eldri en 15 ára hafa komið á Vog.  4% af öllum stúlkum og 5% af öllum drengjum á Íslandi koma í meðferð á Sjúkahúsið Vog fyrir 20 ára aldur.

Meira en helmingur þeirra sem komið hefur á  Vog hefur verið þar aðeins einu sinni og 80% verið þar 3 sinnum eða sjaldnar. Þetta er meðal þess sem kemur fram á vef SÁÁ.

SÁÁ borgar um 60.000 krónur með hverjum sjúklingi sem kemur á Vog en SÁÁ er ekki ríkisstofnun heldur almannasamtök sem byggja starf sitt á sjálfboðaliðastarfi og frjálsum framlögum auk verktakavinnu fyrir sjúkratryggingar. SÁÁ hefur greitt um 900 milljónir með meðferðinni á undanförnum 12 árum.

• 4 blogg um fréttina

Bloggað um fréttina

• Jenný Anna Baldursdóttir: Vogur og Tilræðið
• Ásgeir Rúnar Helgason: Hvað veldur?
• Héðinn Björnsson: Gott starf sem verður að vernda!
• Jakob Falur Kristinsson: Vogur