Ungir fjórhjólamenn til ama

Lögreglan á Suðurnesjum stöðvaði 14 ára pilt á fjórhjóli í Sandgerði á miðvikudagskvöld. Pilturinn hafði áður ekið um götur bæjarins á ofsahraða, meðal annars á móti umferð. Fréttavefur bæjarins segir frá því að ökumenn torfæruhjóla séu til mikils ama í bæjarfélaginu, þeir skemmi gróður og valdi hávaða.

Pilturinn sem lögregla stöðvaði verður kærður fyrir athæfið. Haft er eftir lögreglu að hann hafi stefnt sér og öðrum í mikla hættu.

Á fréttavefnum, 245.is, Lífið í Sandgerði, má sjá myndbrot af fjórhjólamönnum valda skemmdum á gróðri. Samkvæmt upplýsingum síðuhaldara eru margir ökumenn hjólanna réttindalausir.

Fjórhjólamenn spæna upp gróður

• 2 blogg um fréttina

Bloggað um fréttina

• Bára Einarsdóttir: Ekki allir ökumenn til ama þótt einn trukka bílstjóri sé …
• Jakob Falur Kristinsson: Fjórhjól