„Sýður á mönnum vegna 5% landsbyggðarskattsins“
Setja bókamerki
„Það sýður á mönnum vegna þessa 5% landsbyggðarskatts, sem við köllum þær fyrningarhugmyndir aflaheimilda sem Samfylkingin og VG hafa verið að boða. Þannig að ég reikna með fjölmenni á fundinn í kvöld,“ segir Ólafur Rögnvaldsson, framkvæmdastjóri Hraðfrystihúss Hellissands hf. og formaður Útvegsmannafélags Snæfellsness.
Félagið hefur í samvinnu við Snæfell, félag smábátaeigenda á Snæfellsnesi, boðað til fundar með fulltrúum allra flokka í félagsheimilinu Klifi í Ólafsvík klukkan 20 í kvöld.
Sverrir Pétursson, útgerðarstjóri hjá Hraðfrystihúsinu-Gunnvöru hf., er harðorður í garð fyrningarleiðarinnar í grein sem hann birtir á vef BB á Ísafirði. Hann segir að hugmyndum um fyrningu aflaheimilda um 5% á ári megi e.t.v. best líkja við skottulækningar. Sjúklingurinn sé sjaldnast til frásagnar eftir aðgerð.
Sverrir segir í grein sinni að Samfylkingin leggi ofurkapp á aðild að ESB og að Ísland sé virkt í samfélagi þjóðanna. Útgerðarstjórinn segir í lok greinarinnar um fyrningarhugmyndir aflaheimilda; „Þær eru aðför að ábyrgri fiskveiðistjórnun, aðför að rekstargrundvelli sjávarútvegsfyrirtækja, aðför að atvinnuöryggi sjómanna og fiskverkafólks og síðast en ekki síst ávísun á verðfall eigna fólks í NV-kjördæmi.“
Gosið gæti varað lengur: Meiri fyrirstaða í gosrásinni
Sáu eldgosið brjótast út frá Snæfellsnesi
Borgin verður af milljörðum eftir dóm Hæstaréttar
Hraun fór yfir Grindavíkurveg
Skiptir mestu máli að fjárlögin voru samþykkt
Átti ekki að láta pirring bitna á sjúklingi
Óttast að fólk fari aftur að eyða peningum