Lífeyrissjóðir telja Landspítalaáformin áhugaverð
Setja bókamerki
Hulda Gunnlaugsdóttir, forstjóri Landspítala, kynnti í dag fyrir fulltrúum lífeyrissjóða breytt áform um uppbyggingu nýs háskólasjúkrahúss í ljósi skýrslu sem hún fékk um málið frá norskum hönnunar- og ráðgjafarfyrirtækjum.
Hulda og þrír framkvæmdastjórar spítalans, Björn Zoega, Jóhannes M. Gunnarsson og Ingólfur Þórisson, mættu á fund á vegum Landssamtaka lífeyrissjóða, vegna mögulegrar þátttöku lífeyrissjóða í fjármögnun verkefnisins. Fimmtán fulltrúar lífeyrissjóða hlýddu á kynningu fjórmenninganna og fengu upplýsingar um stöðu málsins.
Á heimasíðu Landssambands lífeyrissjóða segir: „Framkvæmdaáformin í breyttri mynd eru mjög áhugaverð, sem og sjálft verkefnið. Málið er á frumstigi og það bíður nú nýrrar ríkisstjórnar að taka pólítíska ákvörðun um framhaldið. Fulltrúar lífeyrissjóðanna munu fylgjast með gangi mála. Þeir munu, ef eftir slíku verður leitað, kanna rækilega í samstarfi við stjórnvöld og ráðamenn Landspítala hvort grundvöllur sé fyrir því að sjóðirnir komi að fjármögnun verkefnisins og á hvern hátt það geti gerst.“
Á þriðja hundrað strikuðu yfir eða færðu Þórð
Þungir dómar í Sólheimajökulsmáli
Fundurinn hófst með söng: „Við stöndum þétt saman“
Evrópumál voru ekki til umræðu
Kristrún komin með umboð
„Höfum ákveðið að hefja viðræður“
Voru með 5 sjúkrabíla í verkefnum á brautinni
Var ráfandi við Alþingi eins og innbrotsþjófur
