Hundruð slógu skjaldborg um Helguvík
Setja bókamerki
Hundruð Suðurnesjamanna slógu í dag skjaldborg um álverið í Helguvík. Með gjörningnum vildu þeir tryggja að ekkert stöðvi þúsundir atvinnutækifæra á svæðinu.
Hópurinn samanstóð af fólki sem lætur sig byggingu álvers varða.Hópurinn vildi minna á að þrátt fyrir að fjárfestingarsamningur um álverið hafi verið afgreiddur á Alþingi eru ennþá brýn mál sem þarf samstöðu um í ríkisstjórninni. Í tilkynningu segir að enn sé hætta á að stjórnmálamenn nái að stöðva álversframkvæmdirnar með ósætti vegna afgreiðslu umhverfisþátta og hafnarframkvæmda.
Tæplega tvö þúsund manns eru nú á atvinnuleysisskrá á Suðurnesjum en þar er atvinnuleysi nú hlutfallslega mest á landinu.
Í tilkynningu hópsins segir að ljóst sé að mikil ósamstaða sé á milli ríkistjórnarflokkanna um þá uppbyggingu sem átt hefur sér stað í Helguvík. Miðað við 360 þúsund tonna álver skapist 1800 vel launuð störf sem séu lífsnauðsynleg fyrir Suðurnesin.
Spara stórfé með olíukaupum ytra
Hraun fór yfir Grindavíkurveg
Gosið gæti varað lengur: Meiri fyrirstaða í gosrásinni
Átti ekki að láta pirring bitna á sjúklingi
Mjög alvarlegt ef Njarðvíkuræð gefur sig
Óttast að fólk fari aftur að eyða peningum
Á algjöru frumstigi eftir þrjár vikur af verkfalli